www.gruppodipreghierasanpiovillaliterno.com

A festa ‘e Padre Pio ‘Nu gruppo ‘e grandi amici, brava gente, onesta e timorata ‘e Dio, stanno ‘insieme a tantu tiempe e so’ felice; ‘nu bello iuorno, ‘o ponte ‘e pagliarelle, parlanne e discutenne ‘e tanti fatte, tutt’ ‘insieme, comme a cuncierto, all’intasatte, pensaine tutte quante ‘a stessa cosa: “ pecchè, cà ‘ncoppe o’ ponte, nun mettimmo ‘na bella statua ‘e Padre Pio, cu tante sciure e tante fascie ‘e rose?”. Ditto fatte, sta gente fuie pigliate a ‘na fede e ‘nu fervore, ca nisciune sapeva da’ ‘na spiegazione, pecchè tutte quante se devano da fa’ e ognuno, quase quase, nun vedeva l’ora ‘e vede’ sta statua ‘ncoppe ‘o ponte d’o rione. Finalmente, ‘o sidece ‘e giugno, ‘o juorno da’ santificazione, quanta folla c’accurrette, se sparaine persine ‘e murtarette, tra fede canti e commozione fuie messe ‘a statua d’o Santo in posizione. E mo’ che è n’anno ca chesta bella statua, stà ‘ncoppe ‘o piedistallo, facimmole ogn’anno onore cu preghiere, suone e balli, e chi passanne a cheste i parte, aizanne ‘o sguardo in alto, vedenne ‘o volto ‘e Padre Pio, dicenne ‘na preghiera, io so’ sicuro, sarra’ protetto certamente ‘a Dio. 24 maggio 2003 Aldo Bruno Mercurio

Responsabili :

Capogruppo: Vincenzo Piazza

Vice Capogruppo: Antonio Spierto

Parroco: Don Peppino Cartesio

Chiesa: S. Maria Assunta In Cielo

Villa Literno ( CE)